Последниот претседател на Советскиот Сојуз, Михаил Горбачов (81) задремал за време на говорот на Самитот за нобеловци кој се одржува во Чикаго.

На Горбачов го разбудила асистентката, пренесува Daily Mail.

Весникот наведува дека не е чудо што Горбачов заспал, затоа што има 81 година, а морал да слуша долги говори, додека седел удобно во фотелјата и бил загреан од светлата на рефлекторите.

Можеби на поспаноста на Горбачов влијаело и времето поминато со актерот Шон Пен со кој гостувал во едно од училиштата во Чикаго, каде разговарале со децата.

Меѓу учесниците на тридневниот состанок, кој почна синоќа, покрај Горбачов се наоѓаат и поранешните претседатели на САД, Полска и Јужна Африка - Џими Картер, Лех Валенса и Фредерик де Клерк.

Собирот доцна синоќа го отворил поранешниот претседател на САД, Бил Клинтон, а на свечената вечера, актерот Шон Пен ја примил Наградата на мировниот самит за 2012 година. Тоа признание му припадна поради хуманитарната работа на Хаити.

Ова не е прв пат Самитот за добитници на Нобелови награди за мир да се одржува во САД, а се одвива под паролата „Зборувај, зборувај за слобода и права“. За претстојниот НАТО самит во Чикаго, кој ќе биде одржан од 20 до 21 мај, во тек се интензивни подготовки.