Меѓународно првенство на бради и мустаќи се одржало во Бад Шушенриед во Германија...

На првенството учествувале 163 натпреварувачи од САД, Франција, Австрија, Швајцарија, Холандија и Германија.

Учесниците се натпреварувале во 18 категории. Некои од категориите се „Царски мустаќи“, „Фристајл мустаќи”, „Природна брада со стилизирани мустаќи“ и „Мустаќи ала Дали“.

Највисоки оцени, 49,5 од можни 50 бодови, добиле Јенс Милер за својата „тренди брада“ и Луц Гиес за „кинеската брада“.

Првиот ваков натпревар се одржал во 1987 година и оттогаш секоја година станува се популарен. Сите учесници мораат да се придржуваат на строгите правила.

“Не се дозволени неприродни бои на брадaта и мустаќите. Маски и шминки исто така се забранети”, вели Волфганг Стиер, организатор на натпреварот.