Се повеќе болници во Велика Британија добиваат барања во кои родителите сакаат нивните деца да присуствуваат при породувањето на нивните помали браќа и сестри...

Родителите веруваат дека постарите деца, доколку присуствуваат на раѓањето на своите помали браќа и сестри, би биле помалку љубоморни.

На оваа тема се спроведени неколку истражувања а резултатите добиени од нив се различни. Некои родители велат дека децата се плашат од крв, додека други веруваат дека со таква прилика ќе се создаде посебна врска помеѓу децата, посебно кај првородените.

Ваквите барања покренале бројни расправи. Болниците велат дека не можат да обезбедат при породувањето да присуствуваат повеќе од две особи, но некои болници се трудат да ги задоволат жените родители.

Лекарите изјавуваат дека, доколку се размислува за тоа детето да присуствува при породувањето родителите мора убаво да размислат дали нивното дете е спремно и дали воопшто го сака тоа. Затоа што ако мајката види дека детето е исплашено, тоа ќе ја направи уште понапната.