Седењето во канцеларија за многумина е начин на живот, а покрај стресот може да донесе и несакани масни наслаги на бедрата и околу половината. Неколку едноставни чекори можат да ви помогнат да го спречите тоа со дополнителна активност во слободното време и летото да го пречекате без несакани „перничиња“ и наслаги.

1. Наместо на колегите да им праќате мејлови кога ви требаат за нешто, пробајте да ги поминете тие неколку метра што ве делат од нив. Иако на прв поглед не се чини многу, тие неколку чекори се голема работа за вашата активност.

2. Избегнувајте високо калорични грицки и чај и кафе од автоматот. Наместо тоа, наполнете ја фиоката со здрави грицки какви што се бадемите, семките, суво грозје и друго сушено овошје. Понатаму, можете да имате свежо овошје и зеленчук, а кафето и чајот направете си ги сами, без шеќер и шлаг.

3. Користете слушалки за телефонските повици. Така ќе можете да одите по канцеларијата и да разговарате. Настојувајте да одите така барем 5 минути секои два часа. На крајот од денот ќе излезе дека сте оделе 20 минути што е чекор напред.

4. Еден од наједноставните начини за соборување на килограмите собрани поради седечката работа е конзумацијата на ладна вода. Ладната вода го забрзува метаболизмот и на тој начин ќе согорете дополнителни 100 калории само седејќи. Ако додадете малку свеж лимон, ќе добиете вкусен пијалок без дополнителни калории.

5. Уште еден трик за согорување на калориите е да се вртите на канцелариското столче. Секои 60 кругови стопуваат 50 калории. Самото стоење наместо седење исто така троши калории. Настојувајте секогаш да се движите кога работите, барем околу својата маса.

6. Наместо да чекате да дојде лифтот, користете ги скалите. Ако ги прескокнувате скалите и застанувате на секое второ скалило, мускулите ќе ви работат повеќе.

7. Наместо да нарачувате пржена храна од надвор, пробајте сами да си направите ручек и да си го носите на работа. На тој начин ќе јадете здраво и паралелно ќе заштедите и време и пари.