Еден ловџија од Флорида случајно ја погодил својата девојка заменувајќи ја со – дива свиња...

52-годишниот Стивен Еган и неговата девојка Лиса Симонс биле на кампување кога се случила несреќата.

Полицијата тврди дека Стивен бил во својот шатор кога слушнал звук сличен на оној кој го испушта дивата свиња. Тогаш пукал, а не бил свесен дека неговата поубава половина не е покрај него во шаторот.

Куршумот поминал низ двете нозе на девојката. За среќа брзата помош успеала на време да ја пренесе до најблиската болница каде успешно се опoравува.

Стивен вели дека пукал бидејќи неколку минути претходно видел вистинска дива свиња.