Најновиот doodle на Google е џиновски патент ставен на почетната страна на пребарувачот по повод одбележување на роденденот на пронаоѓачот на патентот...

Најновиот Google doodle, гигантскиот печат кој се наоѓа на центарот од почетната страна на пребарувачот, го одбележува роденденот на Gideon Sundback, шведско - американскиот електро инженер кој е најчесто поврзуван со развојот на прицврстувачките уреди кои се револуција во индустријата за облека. Со отварање на патентот ви се прикажуваат Google резултати кои се однесуваат на шветскиот инженер.

Пред интервенцијата на Sundback, идејата за да се се направи спој меѓу испреплетени заби меѓу инженерите кружела повеќе од 20 години но никој не успеал да ја усоврши истата.

Неговата идеја била да постави вдлабнатина на долната страна од секој заб каде што врвот на другиот заб совршено и безбедно ќе се вклопи во рамките на вдлабнатината на забот до неа.

Како резултат на тоа, приклучувањето на двата реда на заби било навистина силно, така што ниеден од нив немал доволно место за да може да се поместува лево десно или пак да се раздели. Тој исто така, ја создал и машината за производство на патенти.

Роден на 24 април 1880 година во Samaland, Шведска, тој се преселил во Германија, а поради своите студии емигрирал во САД во 1905 година. Тогаш почнал да работи во Westinghouse Electric and Manufasturing Company во Питсбург, Пенсилванија.

Една година подоцна, тој бил ангажиран да работи за Universal Fastener Company во Хобокен, Њу Џерси, каде во 1909 станал главен дизајнер.

Во 1930 година пантентот стана дел од панталоните и фустаните.