Во руски ноќен клуб е одржан натпревар во јадење на црн кавијар.

Жителите на руската престолнина се собрале во голем број за да учествуваат во несекојдневен натпревар. Обично учесниците на вакви настани „пикаат во себе“ хот-дози, пилешки крилца или хамбургери, а сега Русите натпреварувањето го кренале на едно повисоко ниво и повикале натпреварувачи за да проверат колку кавијар можат да изедат.

Организаторот Александер Новиков рече дека повеќе пати гледал како Американците јадат брза храна, па одлучил да направи натпревар „на руски начин“ со луксузно мени.

Победил Александер Валов (49), кој за 90 секунди изел 500 грама кавијар, со вредност од околу 3.500 евра. Како награда, добил 250 евра и уште неколку теглички од овој деликатес.

„Не јадам кавијар баш често, обично само во посебни прилики“, скромно рече победникот.