Порталот „Аскмен“ состави листа на „застрашувачки земји кои морате да ги посетите“, на прво место е азиската држава Мјанмар, а веднаш зад неа е Босна и Херцеговина...

Како што пишува порталот, туристите се уште во главата ги имаат сликите на разрушената Босна и Херцеговина кои го обиколија светот пред дваесетина години. И денес можaт да се видат и почувствуваат духовите на минатото во таа земја, а улиците на главниот град, Сараево, се уште носат траги од војната.

“Во преубавите, но ретко посетувани босански национални паркови, како Козара, можете да пешачите, возите велосипед и да скијате“, стои во текстот.

„Резултат на сѐ е неверојатната жива историја. Но едно од најголемите изненадувања е кујната, во Босна се прават едни од најдобрите јадења во Европа“, пишува интернет страницата.

Освен БиХ и Мјанмар, на листата се наоѓаат Ерменија, Уганда, Колумбија, Индонезија, Иран, Пакистан, Куба и Етиопија.