Знаете кога Ален, Фил и Стју се разбудија по ергенската вечер со тигар во ве-цето? Е, такво нешто им се случило и на тројца Британци, само што тие се разбудиле со пингвин.

Три младичи од Велика Британија отишле на одмор во Австралија, пијани провалиле во паркот „Воден свет“, пливале со делфини и пингвини, а потоа се разбудиле со мал пингвин во нивната хотелска соба.

Баш како што главните јунаци од блокбастерот „Мамурлак“ по ергенската вечер се разбудија во соба со тигар, така и младичите од Британија се разбудиле со мамурлак и пингвин вишок!

Тие биле толку пијани што не се ни сеќавале дека провалиле во „Воден свет“ во Квинсленд, а не пак дека украле животно, но знаеле да „одреагираат“ за никој да не ги „открие“, па седумгодишниот пингвин Дирк го „пуштиле на слобода“ така што го фрлиле во канал.

Лудиот помин ги чинел обвиненија за провалување и кражба, а пингвинот го спасиле случајни поминувачи.