Научниците постојано не изненадуваат со некои застрашувачки факти,  а новиот е дека мувите це-це ќе ги дојат своите малечки. И не само тоа, туку нивното млеко ќе може да помогне во спасување на човечки живот...

За разлика од многуте други муви, кои несат милиони јајца, мувaте це-це несе само едно јајце и го чува во утробата додека новата мува сама не излезе од ларвата.

Додека се наоѓа во утробата новата мува пие млеко кое се лачи од специјални жлезди кое на новороденчето му помага во развојот на клеточната мембрана се до нивото кога ќе може самостојно да се грижи за себе.

Ензимот кој помага во овој развој се нарекува sphingomyelinase (SMase). SMase се наоѓа и кај луѓето, а неговиот недостаток  предизвикува Ниман - Пицкова болест. Се работи за невролошка болест од која, во потешки случаи, може да се умре и пред да се наполнат 3 години.

Иако структурата на ензимот кај мувите и кај луѓето е малку поинаква, доволно се слични за да може да се тестира дали можат да помогнат да се поправи ваквото нарушување кај луѓето. Ако тоа успее, научниците ќе бидат во можност да спасат многу животи.