Близината во врската им е поважна на жените отколку на мажите... до 35 година, а потоа најдобрата пријателка доаѓа на прво место.

Истражувањето на британските научници, кои ја анализирале содржината на повици на мобилни телефони на три милиони луѓе, покажало дека жените најчесто им се јавуваат на своите мажи, се до моментот кога нивните ќерки пораснат и стануваат најважните личности во животот на своите мајки.

Во студијата, објавена во професионалното списание Scientific Reports, исто така се наведува дека мажите за време на првите седум години од врската најчесто им се јавуваат на своите партнерки, по што се свртуваат кон други пријатели.

Според зборовите на коавторот на студијата, професор Робин Данбар од универзитетот Оксфорд, податоците укажуваат на тоа дека блискоста во парот им е поважна на жените отколку на мажите.

„Тоа е прв навистина силен доказ дека жените се мотор на романтичните врски. Тие се оние кои ја донесуваат одлуката и кога се сигурни дека тоа е тоа што тие го сакаат, тие едноставно го прогонуваат бедникот додека тој не се откаже и не се предаде“, изјави Данбар.

Истражувањето укажува дека жените околу 35 година почнуваат да и посветуваат повеќе внимание на најдобрата пријателка или пријател отколку на партнерот, за околу 45 година нивна „нова најдобра пријателка“ обично не стане женска личност помлада за една генерација, во главно ќерката.

„Се случува жените да го турнат партнерот на второ место на листата на најдобри пријатели и да му се јавуваат многу поретко, а целото внимание да го фокусираат на ќерката баш во време кога таа најверојатно би требала да им подари внуци“, наведува професорот.

Во студијата учествувале три милиони луѓе, кои во период од седум месеци реализирале три милијарди телефонски повици и испратиле половина милијарди SMS пораки. Научниците имале пристап до податоците за возраста и полот на учесниците.