"Клучеви, клучеви, клучеви..." зборувај си самиот на себе додека се врткаш по куќата и ги бараш изгубените предмети без кои неможеш да излезеш. Истражувањето покажа дека гласното зборување или мрморењето, ни помагаат послесно да ги најдеме изгубените работи...

Зборувањето со самите себе обично се смета за првиот знак на лудило, но истражувачите од универзитетот во Пенсилавнија докажаа дека таквото однесување може да има и своја практична страна.

Доколку, на пример, ги бараме клучевите кои сме ги оставиле некаде, научниците не советуваат да шетаме наоколу мрморејќи "клучеви, клучеви, клучеви!". На тој начин, како што велат тие, полесно се концентрираме и му помагаме на мозокот да се фокусира на предметот кој го бараме.

Претходните истражувања покажаа дека зборувањето со самите себе им помага на децата да се концентрираат во случај на решавање на сложена задача, како што е врзувањето на врвки.

Сакајќи да утврдат дали таквиот принцип се однесува и на  возрасните, научниците спровеле тест со кој од волонтерите се барало да пронајдат некој предмет во маркет, како некое одредено овошје, сок или дезодоранс.

Луѓето кои зборувале со самите себе побрзо ги пронашле зададените предмети од оние кои ги барале во тишина.