Еден 20-годишник на Фејсбук ставил фотографија на која краде гориво од полициски автомобил, мислејќи дека тоа е "добра шега" - после тоа на врата му затропала полицијата...

Ако некој сака да украде гориво, најверојатно последната работа на која ќе се сетите е дека таа особа ќе одлучи да краде гориво од полициски автомобил!

Баш тоа го направи 20- годишниот Михаел Бакер од Лечер Коунт во Кентокију, кој за време на кражбата и позирал на својата девојка која го фотографира како краде гориво и покажува со средниот прст. На Бакер таа слика му била толку интересна, што верувале или не, ја ставил на својот профил на Фејсбук.

Фотографијата набрзо се проширила на оваа друштвена мрежа, а кога стасала и до локалната полиција, започнала истрага која резултирала со апсење на Бакер - поминал една ноќ во затвор и оптужен е за кражба.

Новинарите од локалните телевизии разговарале со Бекер и неговата девојка Џоан Санделин која изјавила дека се било шега, додавајќи дека ако сакале да крадат гориво тоа сигурно нема да го објават на Фејсбук, но тие и "така не крадат".

Но, Бекер не се сложил со неа, тој на новинарите им призна дека сепак украл малку бензин од полицискиот автомобил - пробал да земе повеќе но автомобилот немал полн резервоар. После оваа ситуација, во локалната полициска станица одлучиле дека во иднина резервоарите за гориво ќе ги заклучуваат.