Новата технологија е штедлива и внимава на околината, а фармерките изгледаат подобро од било кога, е пораката на новата колекција на италијанскиот произведувач на фармерки и паметна обична облека.

Replay, италијанскиот произведувач на фармерки и паметна обична облека, претстави револуционерна еколошки ориентирана технологија, а колекцијата ја претстави со апокалиптичен филм кој ја покажува моќта на laserblast фармерките.

Процесот на оваа револуционерна обработка со помош на ласер третира одредени зони на моделот и се добива единствен износен изглед и без користење на други методи на обработка. Секој модел по третирањето се пере со минимална количина на вода, а резултатот на овој иновативен процес е уникатен изглед на фармерките.

Оваа технологија првенствено ја чува околината затоа што во производството користи дури 85% помалку вода, а сетоа тоа со најнови иновации во производство и обработка на материјал.

Тексасот обработен со технологијата laserblast, ексклузивно за Replay, ќе биде достапен во колекцијата Replay Laserblast есен/зима 2012/2013 , а во продавниците на Replay ќе може да се најде уште овој месец.