Рокерот и продуцент Лени Кравец додаде уште една категорија во својата биографија - стана и дизајнер.

Кравиц дизајнирал серија столови за куќата „Картел“ кои сите се правени по углед на познатата „госпоѓица“ (mademoiselle) на Филип Старк. Станува збор за столови со потпирач и рачки во змијска кожа, кожа или крзно. Рокерот дизајнирал и црно-бели плочки инспирирани од капки вода и бранови за компанијата „Леа“.

Двата проекти на Лени Кравиц се покажани оваа недела на Салонот за мебел во Милан, кој завршува во недела.

„Уште кога бев дете ми беше важно како ми изгледа собата. Купував плакати, ткаенини и ламби и ја средував собата како што сакав да изгледа“, рече Кравиц.

И покрај густиот распоред, Кравиц наоѓа време за дизајнирање и работи по концертите. „Ми се допаѓа што созревам. Мило ми е што го правам тоа што го сакам. Кога сте млади се ви се случува брзо и не уживате во моментот. Сега уживам во својата креативност“, рече Кравиц.