Тешко е да се одреди точниот момент кога започнаа проблемите со имиџот на Фејсбук, можеби кога корисниците сфатија колку податоци за нив оваа мрежа собира, можеби кога Цукерберг почна да изгледа помалку како штребер-алтернативец од факултет, а повеќе како обичен милијардер.
Фејсбук, корпорација со 3.000 вработени која наскоро ќе стане јавна компанија со 3,9 милијарди долари кеш и вредност проценета на сума меѓу 85 и 100 милијарди долари неодамна купи многу помал конкурент, апликацијата за размена на фотографии Instagram, што покрена лавина од критики кон компанијата на Марк Цукерберг.
Некои корисници на Instagram ги ископирале сите свои фотографии и ги избришале само за Фејсбук да не се докопа до нив, а ни професионалците не беа благонаклонети кон Фејсбук.
Дејвид Хорси од Los Angeles Times забележал дека социјалната мрежа се повеќе личи на „Големиот Пријател“, поблага верзија на Големиот Брат, а изгледа дека и други го делат тоа мислење.
Понова анкета, направена пред купувањето на Instagram, открила дека 28% од Американците немаат позитивно мислење за Фејсбук - тоа е двојно повеќе противници отколку што има Епл и три пати повеќе од оние кои не го сакаат Гугл.
Тешко е да се одреди точниот момент кога започнаа проблемите со имиџот на Фејсбук, можеби кога корисниците сфатија колку податоци за нив оваа мрежа собира, можеби кога Цукерберг почна да изгледа помалку како штребер-алтернативец од факултет, а повеќе како обичен милијардер.
Недовербата на корисниците делумно потекнува од загриженоста која ја предизвикува неговата политика на приватност која е опишана како крајно конфузна, а и самиот Фејсбук призна дека безбедноста би можела да биде камен за сопкање на компанијата во иднина.
