Затвореник од државниот затвор во Јужна Дакота, 28-годишниот Дин Кокрун одлучил да ја тужи болницата во Сиокс Фалс во која бил роден затоа што му ја обрежале кожата на пенисот додека сеуште бил бебе...

Својата тужба ја темели на тоа дека му ја "скратиле машкоста", така што непознат доктор ја убедил неговата мајка да го направи тој зафат кој, според него, бил непотребен и неетички а воедно и без никакви медицински бенефиции.

Сега бара отштета од 1,000 долари и плус реконструкција на кожата на пенисот. Како што и самиот изјавил целна на зафатот е "повторно да се чувствува целосен" иако смета дека таквата операција нема да биде ништо друго освен естетска.

"Неодамна станав свесен за фактот дека сум обрежан и мислам дека поради тоа ми беше ускратено задоволството во текот на сексуланите односи, како и чувството на сигурност и благосостојба на кои имам право како и секоја друга личност", стои во неговата тужба. "Ниту јас ниту пак моите партнери некогаш ќе го имаат ова чувство на сензуалност во текот на сексот ниту пак ќе имаме нормален сексуален живот", заклучил Кокрун.

Дин веќе побарал од болницата да му направат реконструкција на кожата на пенисот, а судот го приложил нивниот одговор во кој го одбиле неговото барање, писмото завршило со реченицата "Нема да има понатамошна кореспонденција за овој предмет".

Кокрун, кој е во затвор поради кражба, за оваа парница одлучил да се застапува сам.