Малиот Кејн Монрој отворил игротека во сопствената гаража, и веќе заработил купишта пари.

Деветогодишниот Кејн го гледал својот татко како продава автомобилски делови и дошол на идеја како да ја искористи гаражата, но и купишта картонски кутии кои остануваат од работата на тато.

Тој во гаражата осмислил сопствена игротека, од картонски кутии направил игри по принципот „погоди и освој“, а влезот го наплаќа по еден долар. Кејн за верните посетители смислил и попусти и членски карти. Неговата приказна брзо се проширила по Лос Анџелес, а за креативното дете пишувал дури и Forbs.

Еден ден, во работилницата на неговиот татко дошол режисерот Нирван Малик, кој сакал да купи рачка за автомобил, но кога поразговарал со Кејн, одлучил за него да сними и краток филм.

„Ова дете веќе води свој бизнис, има талент и страс, го сака тоа што го прави, упорен е, оптимистичен и подготвен да работи за мали пари. Ќе биде милјардер“, напишал новинарот на Forbs.