Неодамна билa спроведена анкета врз 1.230 мажи кои одговарале на прашања поврзани со важните датуми на кои се сеќаваат, а резултатите биле повеќе од разочарувачки...
12 проценти од мажите не знаат кога им е роденден на нивните родители, а 6 проценти од нив не знаат ниту кога и е роденден на нивната партнерка.
7 проценти од мажите тврдат дека можат да се сетат само на својот роденден, а родендените на пријателите и членовите на семејството не им биле ни на крај памет.
Годишнините се покажале како датум кој најтешко го паметат, 41 процент од мажите изјавиле дека причината е тоа што немаат потсетник за тоа, додека 11 проценти од нив се потпираат на помнењето на својата партнерка, бидејќи знаат дека на време ќе ги потсети на важниот датуми, кога тој ќе се приближува.
Но затоа 38 проценти од испитаниците ги знаеле сите важни датуми кои се поврзани со натпреварите или спортот кој ги интересира.
"Разочарувачки е тоа што мажите не ги паметат важните датуми, но тоа не треба да не зачудува. Помнењето на важните датуми е проблем на секого, затоа што нашите животи се преоптоварени со премногу обврски. Кога ќе го спроведеме ова истражување врз жените, верувам дека резултатите нема да бидат премногу различни. Сите знаеме колку е убаво кога некој ќе се сети на нашиот посебен ден, па можеби и затоа треба да вложуваме повеќе напор за да не ги заборавиме луѓето коишто ги сакаме најмногу", изјави портпаролот на “Grant My Wish App”, компанијата што го нарачала истражувањето.
