Телевизијата eOne наскоро почнува со снимање на реално шоу во кое се бара новата Мерилин Монро.

Новото шоу во соработка на телевизијата eOne и фондацијата Мерилин Монро се вика „Барајќи ја Мерилин“ и се врти околу потрагата за наследничка на најпознатата холивудска секс бомба.

Во реалното шоу ќе учествуваат 12 девојки од цел свет, кои ќе си ги „одмеруваат“ силите во Лос Анџелес.

Датумот за почеток на емитувањето на реалното шоу не е познат, но сајтот Deadline пишува дека тоа би можело да се погоди со педесетгодишнината од смртта на легендарната актерка, во август оваа година.