Шестмесечната Изабела веќе оди сама по нужда, зборува и се обидува да диригира со оркестар.

Изабила Онисијук од Велика Британија е родена пред само шест месеци, а веќе ракува со вештини кои нејзините врсници ги очекуваат дури во наредните години. Девојчето не носи пелени, веќе сама го бара нокширот кога ќе го почувствува „повикот на природата“, а нејзините родители велат дека доколку не и го донесат нокширот, трае додека конечно не и го донесат.

Нејзините родители се посветиле на правилен развој на бебињата уште пред да се роди - мајката во бременоста слушала Моцарт, Изабела веднаш по раѓањето е изложена на книги, уметност, разни јазици...

„Бебето генијалец“, како што ја нарекува британскиот печат, разбира англиски и романски, мајчиниот јазик на својата мајка, диригира со измислен оркестар во четиричетвртински такт, а веќе препознава букви и зборови, така што чита заедно со родителите пред спиење.

„Сите бебиња гугаат и брборат, но кај Изабела рано забележавме дека постојано ги повторува истите ‘зборови’. Кога сака млеко, тоа е ‘ех’, кога сака нокшир, вели ‘бубу’. Мислам дека сите бебиња комуницираат така со конретни зборови, но родителите не ги слушаат и не ги разбираат, па тие се откажуваат“, рече нејзиниот татко Фин.

Ако се земе во обѕир фактот дека Моцарт свирел од три години, Штефи Граф имаше убиствен бекхенд на девет, а Пабло Пикасо првата слика ја нацртал на четири години, кој знае што ќе прави Изабела?!