Адел е најбогатата млада британска музичарка.

Британската пејачка Адел се наоѓа на врвот на листата на најбогати млади британски музичари за 2012 година.

На листата на Sunday Times на најбогати музичари до 30 години, Адел води со вкупна заработувачка од 20 милиони фунти (31,9 милиони долари).

Богатството на пејачката кон почетокот на 2011 година изнесуваше 6 милиони фунти (9,57 милиони долари) пред подоцна истата година да го продаде својот втор албум „21“ кој е продаден во повеќе од 20 милиони копии ширум светот.

Зад Адел се наоѓаат пејачките Шерил Кол, Лиона Луис и Кејти Мелуа со заработка од 12 милиони фунти.

На петто место се наоѓа пејачката Џос Стоун со заработка од 10 милиони фунти, додека на 14 место на листата се наоѓаат сите членови од групата JLS и Џеси Џеј со заработка од 5 милиони.