Компанијата Ханговер Хевен ветува дека мамурлакот "како од ветер однесен" ќе го снема после 45 минути од влегувањето во нивниот специјален автобус, кој ќе им биде на располагање на сите коцкари во градот...

Лас Вегас, градот во кој е снимена хит комедијата "Мамурлак", нуди оригинално решение за сите оние кои ќе се разбудат со ужасна главоболка после пијаната вечер.

Волшебниот лек е инекција која е одобрена од америчката Администрација за храна и лекови, а воедно при нејзиното давање присуствува и анестезиолог.

"Луѓето доаѓаат во Вегас да се опуштат и да лудуваат. Дали треба да изгубат цел ден од својот годишен одмор само затоа што претходната вечер претерале? Секако дека не!", велат од Ханговер Хевен.

Автобусот во својата прва обиколка ќе тргне во сабота на 14 април. За мамурните луѓе да можат да се качат во него, најпрво мора да си купат "влезница" од 130 долари. Компанијата исто така нуди и доаѓање дирекно до хотелската соба но тоа изнесува 500 долари.