Иако родителите секогаш кажуваат за своите исклучителни родителски вештини, речиси никогаш никој не се сетил да ги праша децата што мислат за тоа. 17 годишните Меган Лавгров и Луиз Бедвел одлучиле дека нема да чекаат некој да ги праша.

Девојките седнале и напишале книга за тоа како се одгледуваат тинејџери. Прирачникот за родители напишан на повеќе од 200 страници се базира на нивните лични искуства и разговори со повеќе од 100 други тинејџери.

Книгата „Тинејџерите објаснуваат: Прирачник за родители“ полна е со совети на кој начин родителите би требало да им пристапуваат на своите тинејџери и нивните проблеми - од средување на собата до дрога и секс. Во својата книга Меган и Луиз нудат помош и корисни совети за родителите кои не се снаоѓаат најдобро кога детето ќе им влезе во пубертет.

Тие двете одат во средно училиште за девојки во јужниот дел на Лондон. Учествувале во натпревари за креативно пишување кое го организирале издавачите во 50 училишта. По натпреварот се избрани да напишат книга.