Skype регистрираше нов рекорд во сообраќајот - 40 милиони корисници разговарале преку оваа платформа во ист момент.

Skype регистрираше нов рекорд во „сообраќајот“. Новиот рекорд во користењето остварен е со истовремено регистрирање на 40 милиони интернет корисници на таа платформа за пренос на гласови преку интернет, наведено е на официјалниот Skype блог.

Речиси една година откако Microsoft го купи Skype, компанијата продолжува да напреднува. Во јануари 2011 година, Skype објави дека забележал „сообраќај“ од 27 милиони корисници истовремено.

Според статистичките податоци кои ги објави истражувачката компанија TeleGeography, меѓународните повици Skype - Skype во 2011 година достигнале 145 милиони минути, раст од 48% во однос на година дена порано.