Откако неговата сопруга го напуштила, Британецот Иан Ашер целиот свој живот го стави на аукција на eBay - автомобил, куќа, работа и пријатели...

 

Аукцијата му донесе профит од 192.000 фунти. Купувачот си доби куќа, автомобил, мотоцикл, падобран, запознавање со пријателите на Ашер и работа како продавач во продавница за теписи.

Иан Ашер тогаш тргна на прошетка низ многу земји. За 100 недели патување тој исполни многу од своите соништа. Трчал со бикови во Памплона, добил мала улога во холивудски филм, научил француски јазик и добил дозвола за пилотирање.

Но пред да ги потроши сите пари тој си купил остров во близина на брегот на Панама. Покрај тоа што си ги исполнил желбите, Иан успеал да си најде нова љубов. Новата жена во неговиот живот е Канаѓанката Мое.

''Ние се сретнавме на Флорида. Потоа заедно ги посетивме Јамајка и Костарика. Во меѓувреме се роди љубов'', вели Иан.