25-годишната Њујорчанка Џесика Вега е уапсена под обвинение дека лажела оти умира од леукемија за да добие подароци вредни илјадници долари за својата венчавка од соништата. Таа е обвинета за шест кривични дела, вклучувајќи кражба и измама...

Џесика пред две години рекла дека е болна од рак во терминална фаза и дека пред да умре сака да се омажи за Мајкл О'Конел. Парот се венчал во мај 2010 година, а медениот месец го минале на Аруба.

Четири месеци подоцна Мајкл отишол во редакцијата на весникот “Тајмс хералд рекорд”, кој претходно ја објавил потресната приказна, и раскажал дека неговата сопруга е „здрава како дрен“ и оти се си измислила.

Брачниот пар набрзо се развел, а Мајкл се преселил во Вирџинија. Но подоцна се смириле и денес живеат заедно и имаат две деца.

Откако Џесика беше уапсена, Мајкл вели дека таа треба да ги врати скапите подароци и да им се извини на гостите, но дека наместо во затвор треба да оди на психијатар.