Менаџер од Оукленд на Нов Зеланд ја освои титулата светски геј мистер на натпреварувањето кое се одржа во Јоханесбург. 32-годишниот Андреас Дерлет победи на годинешното натпреварување кое ја промовира хомoсексуалноста и човечките права...

Дерлет по потекло е Германец, а на Нов Зеланд се доселил пред четири години и се заљубил во таа земја.

Натпреварувањето траело четири дена, а пред учесниците биле бројни предизвици. Покрај физичка убавина тие морале да покажат и самодоверба, харизма и лидерски способности. Победникот добил 25.000 долари и ваучери за патувањa со помош на кои ќе може да ја промовира хомосексуалноста и да се залага за човечки права и еднаквост.

За титулата годинава се бореле 22 хомосексуалци. Ова е прв пат едно вакво натпреварување да се одржува на африканско тло, а прв пат учествувале и црнци хомосексуалци. Во 37 од 52 африкански земји, хомосексуалноста е забранета.

Организаторите соопштиле дека ова не е натпревар за убавина туку потрага за ЛГБТ претставници и амбасадори.