Комбинирајте некои од овие идеи во комбинација со сопствената имагинација за празничната маса, дневна соба и за секој агол од собата...

Шарени панделки

Наместо метални прстени или штипки, завесите во собата можете да ги закачите со панделки во боја. Вметнете разнобојни панделки во отворите во горниот дел на завесите и заврзете ги за корнизата формирајќи панделка.

Можете да импровизирате со панделки и врз обични завеси, кои немаат прстени во оснвата за закачување. Прицврстете ги цветните додатоци со безбедна игла онаму каде ќе процените дека е најубаво.

Цветен чадор за врата

Искористете го стариот чадор за оваа декорација за врата. Заврзете парче хартија во боја во долниот дел на основата а во горниот ставете свежи цвеќиња, зеленило, мов и јајца во боја.

Ако користите природно зеленило, ставете го во пластична кеса или пластична чаша за да не се суши. Закачете го чадорот на вратата или направете да изгледа како залепен на со помош на лепенка.

Цвеќиња во чајник

Користете сет од чајник и чаши во боја за овој декор на вашата празничната маса. Во чаникот ставете букет со зеленило а капакот тргнете го настрана.

Обрнете една чаша врз чинијата и врз неа ставете ја дно до дно со втора чаша, која можете да ја наполните со свежо зеленило во светли тонови. Убаво е да се искористат зелената и белата боја, кои дават чувство на интегритет на фокусот.

Гранчиња во боја

Користете проѕирна стаклена вазичка за да ставите неколку расцветани црешови гранчиња. Во стаклената основа можете да ставите неколку речни камчиња и разнобојни стаклени топки, бонбони и ореви, дури зрна кафе.