Жените кои сакат да забременат треба да пијат по два филџани чај дневно и да стојат подалеку од газираните пијалоци. Лекарите тврдат дека антиоксидансите од чајот повлно влијаат врз плодноста на жената...

Два филџани чај дневно ги зголемува шансите да забремените, покажуваат резултатите од најновите истражувања.

Студијата спроведена од страна на научници кои се дел од универзитетот во Бостон, во која што учествувале 3 600 жени кои активно се труделе да останат во блажена состојба, покажала дека жените кои редовно пијат чај имаат за 27% поголеми шанси да забременат.

Но, наспрти тоа две чаши газиран пијалок дневно ги намалува шансите за бременост до 20%.

Според истражувањето, утвредено е дека конзумирањето на кафе нема никакво влијание.

Авторот на овој проект др. Елизабет Хач, сакала да утврди дали и на кој начин дневната доза на кофеин влијае на шансите за забременување. Постарите истражувања биле врз основа на изјави од страна на жени кои веќе затруднеле, за количината и видот на напитоци кои ги конзумирале, како чај. кафе, газирани пијалоци во период пред да останат во блажена состојба.

Наместо на тој начин, сега др. Хач истражувањето го вршела директно врз жени кои се трудат да забременат. Просечната старосна граница на овие жени била 28 години, и со вкупно 3 600 жени ова претставува најобемното истражување кое е  направено со цел да се утврди поврзаноста на кофеинот со бременоста.

"Нашите резултати покажаа дека жените кои пијат чај два до три пати дневно имаат 27% поголеми шанси да останат бремени. Чајот секако не е магична состојка која ќе ви помогне да забремените доколку постојат голем број други фактори кои го попречуваат овој процес, но сепак резултатите покажаа дека може да биде од корист поради неговото богатство со антиоксиданси", изјави др. Хач.