Бафорд, гратче во американската држава Вајоминг, кое до вчера имаше само еден жител...

Градот беше продаден на аукција, јавната продажба на Бафорд го привлече интересот на целиот свет. На аукцијата на Интернет, која траела 11 минути, наддавале граѓани од 46 држави. Почетната цена била 100.000 долари.

Анонимен купувач, за кој се знае само дека е од Виетнам си го купи гратчето за 900.000 долари. Виетнамецот доби над четири хектари површина со семејна куќа, магацин за стоки, бензиска пумпа и училиште изградено уште во 1905 година.

- Да поседувам имот во САД беше мој сон, изјавил купувачот.

Бафорд беше понуден на јавна продажба од единствениот жител Дон Самонс, кој се самопрогласи за негов градоначалник. Тој се преселил од Лос Анџелес во гратчето во 1980 година, заедно со својата сопруга. Откако во 1986 таа починала, тој останал единствениот жител на Бафорд.  

Самонс во Бафорд живеел 32 години, во 1992 година и самиот решил да го купи гратчето. Сега, по 20 години тој одлучи да го продаде градот на аукција, за да се пресели во Колорадо во близина на својот син.