Колку и да не ни се верува, Велигден веќе е на прагот. Се наоѓаме во период кога повеќето од нас почнаа да прелистуваат по тефтерите од нашите баби и мајки, барајќи некој лесен и вкусен рецепт со кој ќе ја збогатиме нашата празнична трпеза...

Тоа звучи доста наивно, нели? Така е, можеби нема да најдете да зготвите нешто лесно и вкусно, а можеби и ќе немате доволно време за тоа, но ништо нема да ве спречи да ја разбудите вашата фантазија за украсување на домот.

Не мора да ја украсите целата куќа ( и двор, доколку го имате ) за да го создадете духот на празникот.

Можете украсите да ги концентрирате само во едно катче по ваша желба. Еве неколку идеи за декорација во дневната соба, па дури и во бањата.

Можете да употребите најразлични материјали и фигури кои носат нешто велигденско во себе - зајачиња, јајца, цвеќиња, трева...

Ќе споменеме два важни факти за симболиката на зајаците и јајцата.

- Зајакот: традиционално се поврзува со плодноста и богатството, а во древните ритуали и верувања се поврзува и со месечината и нејзините циклуси. Легендата вели дека велигденскиот зајак во почетокот бил голема убава птица, припаѓала на божицата Еostre. Еден ден таа својата омилена птица ја претворила во див зајак. Па од тука се смета дека велигденскиот зајак е сеуште птица по душа, тој продолжува да прави гнезда и да ги полни со јајца.
 

- Јајце: најпопуларниот светски симбол на Велигден низ целиот свет. Во сите култури, јајцето го симболизира почетокот на новиот живот.
Една латинска поговорка вели: "Целиот свет е создаден од едно јајце".