Џастин Тимберлејк и неговата девојка, американската актерка и модел, Џесика Бил, во летото планираат голема венчавка.

Иако деталите од венчавката ги држат во тајност, Џастин и Џесика наголемо се подготвуваат за својот голем ден, откриваат блиски пријатели на парот.

Парот раскинуваше и се помируваше неколку пати, а свршувањето се „падна“ во декември минатата година, кога на раката на Џесика заблеска голем веренички прстен кој не им избега на медиумите.

„Планираат голема венчавка со многу покани. Џесика најпрво сакаше едноставна и интимна церемонија, но преовладеа долгогодишната желба на Џастин за голема венчавка“, рече извор близок на славниот пар.

Одлуката за организирање на венчавка парот ја донел, наводно, додека престојувале во Атланта, каде Џастин го снима филмот Trouble With The Curve.