Жителите на Бугарија живеат во една од десетте најнесреќни држави во светот, за разлика од Данците, се наведува во извештајот на универзитетот Колумбија во САД.

На листата од 156 држави, која е формирана врз основа на светските социолошки и економски истражувања и анкети, Бугарија го зазема 147 место. Зад неа се Конго, Танзанија и Хаити.

Жителите на земјите кои се последни на „листата на среќа“, меѓу кои е и Бугарија, имаат до 40 пати помалку приходи и живеат и до 27 години помалку во однос на народите од најсреќните држави на светот.

По Данска, најсреќна држава на светот е Финска, а потоа Норвешка.

Творците на анкетата за светска среќа истакнуваа дека економскиот раст и парите не се единствени критериуми, и како пример ги навеле САД, кои во последните 30 години постигнале значаен економски развој, но чувството на граѓаните за среќа останало речиси непроменето. Поради тоа САД е на 11 место на листата.

Професионалците сметаат дека многу важно во обѕир да се земе здравствената состојба, чувството на слобода, силните врски во општеството, стабилното семејство, довербата во власта и отсуството на корупција.

Извештајот опфаќа истражувања меѓу 2005 и 2011 година.