Резултатите од неодамнешни истражувања покажуваат дека децата се помалку време поминуваат во играње со родителите.

Повеќе од половина од децата на предучилишна возраст не си играат со родителите надвор од куќата секој ден, покрај фактот дека играњето надвор дава многу погодности за децата, вклучувајќи и избегнување на дебелоста, се наведува во неодамнешно истражување на американски професионалци.

Во анкетата во која учествувале родители на околу 9.000 деца, нешто помалку од половина испитаните мајки и само четвртина од татковците одговориле дека ги носат своите деца на прошетка или си играат со нив во дворот или паркот најмалку еднаш дневно.

„На родителите кои работат надвор од дома не им е така едноставно да најдат време за играње со децата надвор од куќата секој ден“, рече педијатарот од универзитетот од Сиетл, Пој Тендон, која работела на новата студија.

Од Националната асоцијација за спорт и физичка едукација се советува дека децата треба барем час време дневно да бидат физички активни. Децата од предучилишна возраст исто така треба да поминат неколку часа во безгрижна игра секој ден.