Менито од последниот официјален ручек, сервиран на патниците во првата класа на потонатиот брод Титаник, беше продадено за 76 000 фунти (122 000 долари) на аукција во Велика Британија, јавуваат локалните медиуми...
Менито сведочи за последниот ручек, сервиран на патниците во првата класа, пред Титаник да се удри во ледената карпа и да потоне на 14 април 1912 година. Тоа се наоѓало на масата на д-р Вашингтон Доџ, банкар, кој патувал во првата класа од Сан Франциско со сопругата Рут и синот Вашингтон помладиот.
Јадењата, зачувани за најбогатите патници, вклучувале пилешко по мерилендски, јајца на око со аспарагус, други видови на пилешко и печени јагнешки шницли. Менито вклучувало вкупно 40 вида јадења.
Сопругата на Доџ го ставила менито во чантата по ручекот, без да знае дека ќе го однесе на спасувачкиот чамец истата вечер. Тие ја преживеале несреќата со нивниот син и оттогаш менито било во сопственост на семејството.
