Фејсбук усовршува програма за помош на луѓето кои размислуваат за самоубиство, рече за ABC News претставникот на таа социјална мрежа Фредерик Воленс.

Тој најави дека Фејсбук со другите интернет компании и професионалци работи на разработка на метод за спречување на самоубиства.

Воленс не откри со кои компании соработува Фејсбук, но укажал дека заедничката работа почнала уште во јануари 2011 година.

„Резултатите од заедничката работа би можеле во иднина да ги користат и други интернет компании“, рече Воленс.

Потенцијалните самоубијци некогаш на своите Фејсбук профили најавуваат самоубиствени намери. Последниот таков случај се случил на 18 март на Тајван каде една жена им најави на своите пријатели на Фејсбук дека планира да си го скрати животот, но никој од деветте луѓе кои „разговарале“ со неа не повикал полиција и жената си го одзела животот.