Љубителите на нудистичките плажи добија уште една можност... Сега голи може да уживаат и во сиднејскиот Музеј на современа уметност...

Музејот во април ќе биде вистински рај за локалните нудисти, но и за странските гости. Овој музеј ги повика љубителите на уметноста во доцните часови потполно голи да уживаат во изложбата поставена по повод роденденот на оваа установа.

“Доживејте нова перспектива на нашата роденденска изложба така што ќе ја набљудувате потполно голи”, стои во соопштението на Музејот.

Изложбата содржи повеќе од 4.000 дела на австралиски и меѓународни уметници. Првата “гола изложба” која ги опфаќа темите страв и срам е планирана за 27 април и ќе можат да ја посетат само полнолетни лица.