Американец едвај извлекол жива глава од нападот од планински лав, и тоа со помош на неочекуван спасувач.

Роберт Бигз (69) од Парадајс, Калифорнија на локалниот печат му рекол дека планинарел во природа, кога го нападнал планински лав.

„Тие обично скокаат врз човекот и му ја фаќаат главата со шепите, но тој промаши и ме фати за ранецот за планинарење. Мислев дека ќе умрам од страв, дека е крај, но одеднаш лавот ме пушти“, кажува тој.

Лавот го нападнала женска мечка, која била во близина со две малечки мечиња.

„Мислам дека лавот ги следел малите некое време, но потоа ме виде мене. Мајката мечка почувствувала опасност и скокнала на него. Се тепаа околу 20 секунди, а потоа лавот избега.“

Мечката си ги собрала мечињата и заминала, а запрепастениот планинар со мобилниот телефон повикал помош, и е префрлен во локална болница каде што му се констатирани полесни повреди.