Во источниот сибирски град Краснојарск, една жена (34) пронашла пакет со речиси 500 дијаманти во лифтот, соопштила полицијата.

Жената пронашла мал пакет со благородни камења кога се враќала дома од работа.

Таа пакетот го однела кај професионалец на проценка кој и рекол дека станува збор за дијаманти по што таа одлучила пакетот да му го врати на сопственикот.

„Полицијата го истражува случајот на пакетот со 476 дијаманти, пронајдени во лифт“, соопштила полицијата.

Дијамантите се дадени на тестирање и проценка, додека полицијата се уште трага по сопственикот на пакетот.