Пожарникарите морале да спасуваат еден Американец од лисиците кои само сакал да ги проба во секс-шоп.

Неименуван маж дошол во секс-шоп во Оринџ во Конектикат и почнал да ја разгледува робата, а потоа земал да проба едни лисици.

Чепкал по механизмот за затварање, и успеал сам да се врзе со лисиците, и некако да ги расипе. Вработените смеејќи се се обиделе да ги отклучат лисиците, но кога не успеале, морале да повикаат итна служба.

На лице место најпрво стигнале пожарникарите, а потоа и полицијата, и посрамотениот муштерија го избавиле од лисиците така што ги исекле.

„Лисиците личеа на оние кои ние ги користиме, но ниту еден клуч не одговараше. Моравме да ги исечеме, и мислам дека муштеријата мораше да ги плати, затоа што беа упропастени“, рече помошникот на шефот на полицијата, Ед Кејтер.