Лондон, Њујорк, Хонг Конг и Париз се најважните градови во светот за најбогатите луѓе, покажува истражувањето, спроведено од компанијата за недвижности Knight Frank и Citi Private Bank...

Годишното истражување покажува дека, кога ќе треба да направат инвестиции во недвижен имот, луѓето со највисока куповна моќ го оценуваат квалитетот на животот во градот, популарноста и влијанието на градот и неговата економска дејност.

Кога треба да изберат град за живеење, од суштинско значење за најбогатите е личната безбедност. Тие овој аспект го ценат дури повеќе и од економскиот развој, покажува истражувањето.

Монако е град со највисоки цени на станбените згради, следен од Кап Фера, Лондон и Хонг Конг, се наведува во извештајот за 2012г. Knight Frank и Citi Private Bank изразуваат надеж дека интересот за трговските површини ќе се зголеми меѓу луѓето со најголема куповна моќ.

Компанијата за недвижности и банката прогнозираат дека, приватните операции на најбогатите луѓе кои ќе бидат реализирани во 2012 година во секторот на недвижните имоти, ќе достигнат 74,100 милијарди долари.

Во Блискиот Исток и Африка луѓето со највисока куповна моќ го сакаат Дубаи, а оние во Латинска Америка најмногу го ценат Мајами и Сао Паоло и очекуваат тие да го зголемат своето влијание во иднина.