Мозокот е најмистериозен, но и најважен човечки орган. Затоа постојано се фасцинираме од него...

Новата изложба која оваа недела е отворена во Лондон покажува како изгледа внатрешноста на черепот. Изложбата е наречена "Brains - The Mind as Matter".

Посетителите на изложбата можат да видат сѐ, од содржината на черепот на египетските мумии до модел од мозокот на Алберт Ајнштајн и мозокот на серискиот убиец Вилијам Бурк.

“Специјално за оваа изложба мозоците ги подготвуваа, мереа и сечеа. Ова е изложба за самиот мозок, а не за умот. Станува збор за тоа што е мозокот, а не за тоа што прави мозокот”, вели директорот на музејот, Кен Арнолд.

Изложбата им нуди можност на посетителите некои експонати да набљудуваат низ микроскоп и на тој начин да видат што имаат во сопствените глави.

И покрај сите достигнувања на науката и медицината, невролошките болести се уште се мистерија, операцијата на мозокот повеќе се базира на претпоставки, отколку на вистински знаења.