Денеска контроверзната поп дива го прославува својот 26 роденден.

Лејди Гага е родена на 28 март 1986 година како Стефани Џоан Анџелина Германота, ќерка на Синтија и Џозеф Германота, американци од Њујорк со италијанско потекло.

Својата кариера ја започнала како пишувач на текстови за други изведувачи, организирајќи на бурлескни шоуа по клубови по Њујорк заедно со нејзината пријателка Лејди Старлајт, се додека поп пејачот Ејкон еден ден не го забележал нејзиниот талент и не и помогнал да се пробие на големата сцена.

Својот прв хит Just Dance го објави во 2008 година, со тоа ставајќи почеток на својата кариера која многу бргу ќе ја направи позната во цел свет како контроверзна и ексцентрична Шашава Дама (анг. Lady Gaga). Веднаш по Just Dance следуваат хитовите Poker Face, Paparazzi, Bad Romance, Alejandro, Telephone и многу други.

Позната е по поставување на рекордот четири број еден хитови на деби албум. Засега има објавено три албуми и тоа The Fame, Тhe Fame Monster и Born This Way. Гага исто така е позната по блиската врска што ја има со своите фанови, „малите чудовишта“ (little monsters) како што таа ги нарекува, а неодамна лансираше и сопствена социјална мрежа, која се уште е во пробна бета-фаза.