Заборавете старата поговорка, дека училишните години се најсреќните во животот. Новото истражување утврди дека луѓето се најзадоволни на 33 годишна возраст...

70% од луѓето над 40 години, ја определиле годината во која наполниле 33, како нивна најсреќна, покажува истражувањето на сајтот Friends Reunited. Знаменитостите кои во моментов уживаат во својата златна година, се моделот Кети Прајс и фудбалерот Франк Лампард.

Повеќе од половината испитаници, 53%, изјавиле дека животот им е забавен, а 42% рекле дека чувствуваат повеќе оптимизам за во иднина. Една третина од испитаниците изјавиле дека среќата доаѓа од децата, а една петтина - од успехот во работата.

38% од учесниците во анкетата споделуваат дека животот им бил релативно ослободен од стрес, а 31 отсто изјавиле дека на 33-годишна возраст чувствуваат дека, семејството им е најсплотено.

Само шест отсто од анкетираните рекле дека биле најсреќни на Универзитетот, а 16% - во детството.

"На 33 години веќе поминато доволно време, за да се ослободиме од детската наивност и лудилото на тинејџерските години, без да ја губиме енергијата и ентузијазмот на младоста. На таа возраст невиноста е веќе изгубена, но чувството за реалност е помешано со силно чувство на надеж и самоувереност во споствениот талент и можности", коментира психологот Дона Доусон.