Секое трето бебе родено оваа година ќе доживее 100 години, покажа најновата студија на британското Одделение за статистика.

Британскиот Telegraph наведува дека жените имаат поголеми шанси да доживеат точно 100 години отколку мажите.

Според проценките на Одделението за статистика 10% од мажите кои сега имаат 65 години и 14% од жените ќе го прослават 100 роденден.

Бројот на стогодишници во Велика Британија драстично се зголеми од 1961 година од 600 на 13.000 во 2010 година. Според предвидувањата, до 2060 година тој број ќе порасне на 456.000.