Региналдо Роча од Бразил во неделата се скарал со својата сопруга, па од инат се качил на електричен столб...

Целата ситуација е чудна, а уште побизарна станала откако локалните медиуми известиле дека поради неговиот хир без струја останале пет градови во регионот на Сао Паоло, каде живеат околу 600.000 жители.

49-годишниот маж се скарал со својата жена бидејќи претходната ноќ бил во кафeана со пријателите и потрошил околу 200 евра.

По караницата од инат се качил на електричниот столб и се заканувал дека ќе скокне од него, а сведоците веднаш ја известиле полицијата.

Полицијата наредила да се исклучи струјата на тоа подрачје, за да не го убие човекот, а освен струјата не работеле ниту телефонските линии.

Заедно со пожарникарите, полицајците цели три часа преговарале со Региналдо да се симне од столбот, откако го направил тоа бил пренесен во болница.

Поради инцидентот Бразилецот може да добие до пет години затвор, ако го осудат за нарушување на јавниот ред и мир.