Нарцисоидните личности ги користат своите Фејсбук профили за да ја задоволат својата потреба за воодушевување, тврдат научниците.

Група научници од универзитетот Западен Илиноис ја утврдила поврзаноста меѓу бројот на Фејсбук пријатели кои некој ги има и активностите на таа социјална мрежа, со појавата на нарцисоидност.

„Луѓето кои имаат зголемена потреба да чујат убави работи за себе прибегнуваат кон Фејсбук, како средство за постигнување на тоа“, истакна авторот на истражувањето Крис Карпентер.

Тој вели дека Фејсбук на нарцисоидните им пружа шанса да го користат интернетот за добивање на повратни реакции за да бидат во центарот на вниманието.

Научниците дошле до тој заклучок по анкетата која опфатила 300 луѓе кои пополнувале прашалник NPI (Narcissistic Personality Inventory).

Анкетата покажала дека личностите со повеќе Фејсбук пријатели кои себе се означуваат на фотографиите и ги актуелизираат своите статуси во текот на денот, почесто имаат нарцисоидни крактеристики.

Резултатите од таа анкета се објавени во списанието Personality and Individual Differences.