Морско прасе од Шкотска е новиот Гинисов рекордер во скок во далечина.

Прасето Трафлз успеало да скокне цели 30 сантиметри во далечина, а сопственичката го намамила со парче краставица.

Тринаесетгодишната Клои Макари од Фајф, Шкотска прочитала во својот примерок од Гинисовата книга на рекорди дека постои рекорд во кој нејзиното милениче би можело да си ја проба среќата, па одлучила да му ја даде шансата да се запише меѓу „ѕвездите“.

Кога Трафлз го извежбал скокот дома, Клои ги повикала Гинисовите претставници, кои потврдиле дека Трафлз е нов светски рекордер во скок во далечина.