Еден Италијанец на суд го тужел љубовникот на жена си од кој бара 600.000 евра за „морална штета“ предизвикана од неверството.

„Оштетениот“ Италијанец, кој е воен официр, бара 200.000 евра за себе, а 400.000 евра за своите две деца, 14 годишна ќерка и 9 годишен син.

Овој случај почнал за време на оваа недела во градот Сполет во регионот Умбрија.

Според наводите на „оштетениот“, чие име не е објавено, аферата на неговата 39 годишна жена кај неа предизвикала развој на „опсесивно однесување кое предизвикало уништување на семејниот живот и избегнување на нејзините брачни должности“.

Изневерениот сопруг исто така наведува дека аферата кај него предизвикала депресија. Тој на судот приложил и медицинска документација.

Наводниот љубовник, 39 годишен агент за осигурување, инсистира дека тој е само добар пријател со жената, која е наставничка и живее со сопругот во Сполет.

„Тој негира дека и бил љубовник. Дури и тоа да е вистина, сметаме дека може да води љубов со кој сака, без разлика дали таа личност е во брак, сама или разведена“, кажал адвокатот на обвинетиот Марко Бруско.

Тој нагласил дека неверството можеби некогаш била кривично дело во Италија, но тоа повеќе не е така „бидејќи не постои закон со кој е забрането човек да отиде во кревет со сопругата на друг човек.“